Duke folur për propozimin franko-gjerman për Kosovën, presidenti serb Aleskandar Vuçiq tha se e ka marrë më 13 dhjetor dhe më pas në presidencë kanë ardhur përfaqësuesit e pesë shteteve më të fuqishme në botë.
Së pari, sipas tij, pasoi non-paper-i i shtatorit, të cilit Serbia i dërgoi non-paper-in e saj dhe më 13 dhjetor pasoi propozimi franko-gjerman.
Dhe pastaj përfaqësuesit e pesë vendeve më të fuqishme të botës erdhën në presidencë, shtoi Vuçiq.
“A e kupton Aleksandër, ne jemi të vendosur të zgjidhim të gjitha problemet, sepse nuk duam të lejojmë përshkallëzimin e konfliktit në Ballkan. Në fjalinë e tretë më thanë, i nderuar president, nëse nuk e pranon zbatimin e kësaj nisme, do të përballesh me pezullimin e negociatave me BE-në, me ndërprerjen e ardhjes së investimeve të mëtejshme, por edhe me tërheqjen e të gjitha investimet dhe masat tjera gjithëpërfshirëse që do të tregojnë se si të gjithë ata që nuk janë dakord me BE-në”, tha Vuçiq.
Ai shtoi se e kanë përsëritur tri herë, dhe se ai u ka thënë se ishte kërcënim. Vuçiq thotë se ka qenë para dilemës që duhet t’u përgjigjet menjëherë.
Ai tha se 90 për qind e planit që doli në opinion është i saktë.
Ai po ashtu tha se në tekst thuhet se të dyja vendet do të udhëhiqen nga parimet e OKB-së, duke respektuar integritetin territorial dhe sovranitetin”, duke e konsideruar, siç tha ai, Kosovën shtet të pavarur.
Pika katër thotë se Serbia nuk do të kundërshtojë anëtarësimin e Kosovës në asnjë institucion ndërkombëtar.
Kundërshtojmë apo jo, do të kenë shumicën për pranimin e Kosovës në NATO dhe KE”, tha Vuçiq.
