Kryetari i LDK-së, Lumir Abdixhiki, ka kërkuar në Kongres të SHBA-së që baza amerikane ushtarake në Kosovë, Bondsteel, të shndërrohet në bazë të përhershme ushtarake.
Abdixhiku ka pasur disa takime me kongresmenë amerikanë, në mesin e tyre edhe me demokratin Dutch Ruppersberger, është njoftuar nga LDK-ja.
“Kryetari Abdixhiku me këtë rast kërkoi mbështetjen e Kongresit për shndërrimin e bazës amerikane të Bondsteel-it në bazë ushtarake të përhershme. Kongresmeni Ruppersberg ka përkushtim të madh për rrugëtimin e Kosovës drejt familjes euroatlantike. Kontributi i tij në këtë drejtim do të jetë jetik për të ardhmen e sigurisë së popullit tonë. Kryetari Abdixhiku ftoi kongresmenin Dutch Rulpersberger për vizitë në Kosovë”, thuhet nga LDK-ja.
