Kryeministri i Kosovës, Albin Kurti, ka irrituar ndjekësit e tij në rrjetin social Instagram, me postimet që ka bërë, shkruan Insajderi.
Ai ka shpërndarë postimet e dy reperëve kosovar, Capital T e Getoar Selimi.
Ndjekësit e tij, i kanë thënë kryeministrit Kurti se nuk ka nevojë t’iu bëjë reklamë njerëzve si këta dy.
“Kryeminisër, në kohë si kjo nuk kemi nevojë për këshilla nga njerëz si ky, mos i bëj marketing koti një njeriu që ky primare e ka reklamimin e orës që e ka në dorë dhe bluzës BOSS që e ka vesh. Jemi të vetdijshëm të gjithë që një virus io tipit të tij nuk na bën mirë dhe nuk na e largon panikun”, i ka shkruar një komentues Kurtit.
Ka pasur edhe komente të tjera nga më të ndryshmet.
Edhe Kosova po përballet me koronavirusin, ku deri me tani ka shkuar në 9 persona të infektuar me këtë virus.
