Jeff Bezos i dha Dolly Parton 100 milionë dollarë. Kjo pasi 76-vjeçarja u bë fituesja më e fundit e Çmimit Bezos për Guxim dhe Qytetërim. Marrësi i këtij çmimi merr 100 milionë dollarë për t’i “shpërndarë për bamirësinë që ata zgjedhin”.
Këngëtarja e famshme amerikane u shfaq e shokuar kur iu dha shuma e madhe, duke thënë: “A thua 100 milionë dollarë?”.
“Gjithmonë kam thënë: përpiqem t’i vendos paratë aty ku është zemra ime”, tha legjenda e muzikës country teksa pranoi çmimin. “Do të bëj çmos për të bërë gjëra të mira me këto para”.
“Kur njerëzit janë në gjendje të ndihmojnë, ata duhet të ndihmojnë,” tha ajo ndërsa pranoi çmimin e saj në “stilin e vërtetë Dolly”: me një fustan të zi në formë me temina dhe dantella, duke veshur parukën e saj ikonike bionde.
“Çmimi njeh liderët që synojnë lart, gjejnë zgjidhje dhe e bëjnë këtë gjithmonë me civilizim”, tha e dashura e Bezos, Lauren Sanchez në ceremoninë e ndarjes së çmimeve.
“Ajo jep me zemër. Ajo që ka bërë për fëmijët, shkrim-leximin dhe shumë gjëra të tjera, është thjesht e pabesueshme”, tha miliarderi 58-vjeçar për këngëtaren.
Fondacioni i këngëtares Dolly Parton “Imagination Library” punon për të siguruar që sa më shumë fëmijë të kenë akses në libra. Përveç SHBA, ajo operon edhe në Britaninë e Madhe, Irlandë, Australi dhe Kanada.
Së bashku me Bibliotekën Imagjinata, Parton dhuroi 1 milion dollarë për Qendrën Mjekësore të Universitetit Vanderbilt, e cila ndihmoi në zhvillimin e një vaksine moderne kundër COVID-19.
Fituesi i mëparshëm i çmimit ishte shefi i kuzhinës Jose Andres, i cili e ka atë si “kuzhinë qendrore të botës” që ushqen njerëzit pas fatkeqësive në mbarë botën. Ai përdori 100 milionë dollarët e tij për të ushqyer ukrainasit. Van Jones, themeluesi i Dreams.org, gjithashtu fitoi çmimin vitin e kaluar. Jones tha në mars se kishte 10 vjet për të shpërndarë plotësisht fondet.
Parton nuk ka bërë të ditur se si planifikon t’i përdorë paratë e saj.
Që kur Bezos u tërhoq nga një rol aktiv në Amazon, ai dhe e dashura e tij i kanë fokusuar përpjekjet e tyre në filantropi. Bezos, pasuria e të cilit është gati 124 miliardë dollarë, kohët e fundit dhuroi 10 miliardë dollarë për fondin e ndihmës ndaj ndryshimeve klimatike të Tokës dhe 200 milionë dollarë për Muzeun Kombëtar të Ajrit dhe Hapësirës Smithsonian.
Policia e Kosovës, nën monitorimin e Prokurorisë Speciale dhe në bazë të urdhëresës së Gjykatës…
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…