Pas armëpushimit Izrael-Liban, Joe Biden i është drejtuar edhe Gazës, duke thënë se njerëzit atje “meritojnë një fund të luftimeve dhe zhvendosjes”.
“Njerëzit e Gazës kanë kaluar nëpër ferr” dhe kanë vuajtur “shumë”, shton ai.
Hamasi ka një zgjedhje për të bërë, shton ai, duke thënë se “rruga e vetme” është lirimi i pengjeve të marra nga Izraeli vitin e kaluar.
Ai thotë se në ditët në vijim SHBA do të bëjë një tjetër shtytje për të “arritur një armëpushim në Gaza”.
Kjo i afron ata me një vizion të një të ardhmeje paqeje në Lindjen e Mesme, thotë ai, ka raportuar BBC, transmeton Gaazeta Express.
SHBA mbetet e gatshme të bëjë “marrëveshje historike” për krijimin e një shteti palestinez dhe një normalizim të marrëdhënieve midis Arabisë Saudite dhe Izraelit.
“Unë besoj se kjo axhendë mbetet e mundur”, thotë presidenti amerikan dhe shton se ditët e mbetura në detyrë do t’i kalojë duke punuar “palodhur” drejt kësaj.
