Portali “Kapitali.al” i gazetarit Klodian Tomorri ka zbuluar se biznesmeni i radhës që do të ndërtojë kullën më të lartë të Tiranës është Shkëlqim Beshiri.
Sipas artikullit, Beshiri do të ndërtojë një kullë me 65 kate në Bulevardin e Ri dhe kjo do të jetë ndërtesa më e madhe në Shqipëri. Kjo në rast se nuk do të dalë dikush tjetër që do të ndërtojë një kullë më të lartë në të ardhmen.
Konkretisht, shoqëria Klar Shpk e biznesmenit Beshiri ka marrë lejen e zhvillimit për ndërtimin e një objekti me funksion të përzier, banim dhe hoteleri.
Struktura është emërtuar “Godinë Banimi, Shërbimi dhe Hotelerie 4, 5, 23, 24, 57, 58 dhe 65 mbi tokë me 6 kate nëntokë”.
Me këtë objekt, Shkëlzen Beshiri zbret nga froni Agron Papulin me 60 katëshin e tij në rrugën e Kavajës, leja e së cilës është miratuar me kohë, por që nuk po fillon të ndërtohet
