Sekretari amerikan i Shtetit, Antony Blinken, ka zhvilluar një bisedë telefonike me homologun e tij rus, Sergey Lavror, ku e ka ripërsëritur qartësisht qëndrimin e SHBA-ve karshi prezencës ushtarake ruse në kufirin me Ukrainën.
“Një agresion i shtuar rus, do të ndeshet me një përgjigje masive dhe të bashkuar Transatlantike”.
I spoke with Foreign Minister Lavrov today to urge a diplomatic resolution to Russia’s unprovoked military build-up around Ukraine. I reiterated that further Russian aggression would be met with a resolute, massive, and united Transatlantic response.
— Secretary Antony Blinken (@SecBlinken) February 12, 2022
Ky është mesazhi kryesor që Blinken i ka dhënë Lavrovit, duke e shkruar edhe në një postim në median e tij sociale Twitter.
Sipas kryediplomatit amerikan, zgjidhja diplomatike është urgjente. Ndërsa, prezencën e shtuar ushtarake ruse në kufi, ai e quan si tërësisht të “paprovokuar”.
Situata dhe fryma e tensionit e ngritur mbi çështjen, është pikun e saj më të lartë, që prej rikthimit të tensioneve në nëntor 2021.
Ishte fillimisht një paralajmërim i vetë SHBA-ve se Ukraina mund të pushtohej brenda javës tjetër, ai i cili e ka sjellë konfliktin në apogjeun e tij ndër vite.
Rusia ka mohuar kategorikisht çdo pretendim të huaj për ndërhyrje. Por, në kufirin lindor e verior me Ukrainën, ka mbi 130 mijë trupa të gatshëm për ndërhyrje.
Nga të gjithë shtetet, është kërkuar zgjidhja diplomatike e situatës. Megjithatë, asnjë hap pozitiv nuk ka ardhur.
Një tjetër aspekt i përshkallëzimit, është edhe ai i tërheqjes së stafit jo-thelbësor diplomatik apo edhe thirrjet që i janë bërë qytetarëve perëndimorë të ikin nga Ukraina sa më parë.
Një thirrje të tillë madje, e ka bërë edhe Shqipëria, duke parë zhvillimet e situatës.
