Agron Demi nga shoqëria civile ka reaguar pas arritjes së marrëveshjes për koalicion në mes të LDK-së dhe AAK-së.
Përmes një postimi në Facebook, ai ka thënë se ministri në ardhje është avancuar me plagjiaturë, ndërsa e dënuara me tetë muaj burg me kusht për deklarim të rremë të pasurisë paska me udhëheq me Ministrinë e Punëve të Jashtme, përcjell Bota sot.
Demi ka thënë se është vetëm fillimi e ngadalë po i kthehemi normalitetit 20 vjeçar.
Postimi i tij i plotë në Facebook:
Partia që e përjashtoi Kosovën nga Rrjeti Evropian i Sigurimit të Cilësisë, do të udhëheq me Ministrinë e Arsimit. Edhe atë do ta udhëheq një ministër i cili sipas ORCA-s është avancu me plegjiaturë.
E dënuara me tetë muaj burg me kusht për deklarim të rremë të pasurisë paska me udhëheq me Ministrinë e Punëve të Jashtme.
Edhe ky është veç fillimi ngase ende nuk janë ba publike marrëveshjet me partitë tjera.
Kadal kadal po i kthehemi normalitetit 20 vjeçar.
Këto ditë dëshmuan se tjetër gjë është me rrëzu pushtetin përmes zgjedhjeve, e krejt tjetër është me ndërru sistemin. E sistemi nuk është vetëm partia, por janë edhe institucionet e kapura, gjykatat, mediumi publik e portalet fantome që marrin qindra mijëra euro financim nga paraja publike.
