Deputeti i Bundestagut nga shteti i Bavarisë, Thomas Hacker, ka kritikuar vizitën e Markus Söde, kryeministri i Bavarisë, në Serbi, duke thënë se është dashur ta pyesë presidentin e Serbisë, Aleksandar Vuçiq, për vjedhjen e zgjedhjeve në Beograd, sigurinë e gazetarëve dhe sulmin e armatosur në Banjska.
“Është irrituese që kryeministri bavarez Markus Söder po takohet me presidentin serb Aleksandar Vuçiq”.
Hacker kritikon se fakti që kryeministri bavarez po mburret për dhënien e medaljes nga Vuçiq është kundërproduktiv.
“Markus Söder mburret në Beograd se i është dhënë medalja nga Aleksandar Vuçiq. Këto imazhe do të përballen me një keqkuptim të madh nga partnerët tanë demokratë dhe pro-europianë në Serbi dhe në rajon”, ka shkruar ai në X.
Në konferencën e përbashkët për media pas takimit me Vuçiqin, Soder tha se dëshiron të thellojë bashkëpunimin ndërmjet Bavarisë dhe Serbisë dhe paralajmëroi hapjen e një përfaqësie të asaj krahine gjermane në Beograd.
Zeder tha se është pro asaj që Serbia të bëhet anëtare e Bashkimit Europian dhe se do të ishte një humbje e madhe si për Europën ashtu edhe për Serbinë nëse nuk qëndron në rrugën europiane.
Markus Thomas Theodor Söder është një politikan gjerman që shërben si Ministër-President i Bavarisë që nga viti 2018 dhe udhëheqës i Unionit Kristian Social në Bavari që nga viti 2019.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…