Rikthehen tensionet mes ushtrisë izraelite dhe palestinezëve, pavërësisht bisedimeve të muajve të fundit për uljen e tensioneve mes dy palëve.
Dhjetëra persona u plagosën dhe mbi 350 të tjerë u arrestuan në përleshjet që shpërthyen brenda xhamisë Al Aksa , ku policia izraelite ndërhyri për të dëbuar disa të dyshuar.
Operacioni u quajt një krim i paprecedentë nga Hamasi , i cili ftoi palestinezët në Bregun Perëndimor të shkojnë masivisht në xhaminë Al Aksa për ta mbrojtur atë së bashku me të gjitha vendet e shenjta.
Pas përleshjeve, raketa u hodhën nga Gaza në drejtim të disa qyteteve në jug të Izraelit, por nuk u shënuan të lënduar.
Sipas policisë izraelite, protestuesit në xhami posedonin fishekzjarrë, shkopinj dhe gurë dhe pretendimet e saj është munduar t’i shoqërojë me pamje filmike.
Kompleksi i xhamisë në qytetin e vjetër të Jeruzalemit Lindor të aneksuar nga Izraeli ka parë tashmë përleshje dhe dhunë midis palestinezëve dhe izraelitëve, veçanërisht gjatë muajit të të Ramazanit, i cili tërheq dhjetëra mijëra adhurues në Al Aksa.
Vendi i shenjtë mysliman është ndërtuar në majë të asaj që hebrenjtë e quajnë Mali i Tempullit, vendi më i shenjtë në judaizëm.
Përleshja mes policisë, ushtrisë izraelite dhe palestinezëve në muajin e shenjtë të Ramazanit, po ndodhë në vendin më të shenjtë për myslimanët.
Gjykata Kushtetuese ka vendosur masë të përkohshme ndaj dekretit të presidentes së Kosovës, Vjosa Osmani,…
Presidenti i Recep Tayyip Erdogan ka reaguar për përshkallëzimin e tensioneve në Lindjen e Mesme,…
Presidentja e Kosovës, Vjosa Osmani, nuk e ka nënshkruar ende dekretin për datën e zgjedhjeve,…
Pamjet e shpërndara në mediat sociale tregojnë flakë dhe tym të dendur që ngrihen nga…
Presidenti i SHBA-së, Donald Trump, komentoi në rrjetin social Truth Social rritjen e ndjeshme të…
Ministri për Komunitete dhe Kthim, Nenad Rashiq, është deklaruar lidhur me komentin e tij dhënë…