Avokati i njohur shqiptar paralajmëron Thaçin, Mustafën dhe Veliun, këtë do t’ua bëjë kryetarja e Kuvendit

Kryetarja e Kuvendit të Kosovës, Vjosa Osmani-Sadriu, padyshim është personazhi më i komentuar kohëve të fundit.

Së fundi, një mbështetje të madhe për kryeparlamentaren ka ardhur edhe nga Shqipëria.

Është avokati i njohur, Spartak Ngjela, i cili i ka dhënë një përkrahje Osmani-Sadriut, duke thënë se dita – ditës është duke shkëlqyer me perfomancën e saj.

Madje, ai në një shkrim të publikuar në Facebook ka thënë se kryetarja Osmani presidentit Hashim Thaçi, kryetarit të LDK-së, Isa Mustafa, dhe nënkryetarit të LDK-së, Agim Veliu, çdo ditë po ua tregon gogolin e tyre të frikshëm.

Ngjela paralajmëron se Osmani-Sadriu kundërshtarët politikë do t’i mund keq, dhe për këtë thotë se keni për ta parë së shpejti.

Ja shkrimi i tij:

Çfarë po ndodh në Kosovë?

Dita – ditës po shkëlqen Kryetarja e Kuvendit të Kosovës, zonja Vjosa Osmani.

E dini pse? Sepse nuk ka frikë nga e vërteta.

Po kundërshtarët e saj Thaçi, Mustafa dhe një Veliu,Veliu?

Këta janë të mundur, sepse Vjosa Osmani ka nxjerrë me forcën e saj shpirtërore dhe po u tregon përdita gogolin e tyre të frikshëm: të VËRTETËN.

Kjo është arsyeja që zonja Osmani do t’i mundë keq.

Keni për ta parë.