Djali 17-vjeçar i ish-kantautores Sinead O’Connor ka ndërruar jetë. Lajmi është konfirmuar prej saj në Twitter.
“Djali im i bukur, drita e jetës sime, ka vendosur t’i japë fund luftës së tij tokësore dhe tani është me Zotin. U prehtë në paqe dhe askush mos e ndjek shembullin e tij.
Të dua shumë”, ka shkruar Sinead në rrjetet sociale.
Daily Mail shkruan se adoleshenti Shane u zhduk të enjten dshe se policia nisi menjëherë kërkimet.
Shane u pa për herë të fundit në lagjen Tallaght në jug të Dublinit dhe policia njoftoi të shtunën se kërkimi ishte pezulluar.
“Pas zbulimit të trupit në Bray, Wicklow, të premten, më 7 janar, hetimi për 17-vjeçarin e zhdukur Shane O’Connor u pezullua,” tha një zëdhënës i policisë.
Sinead ka tre fëmijë të tjerë, djalin 34-vjeçar Jake Reynolds, vajzën 25-vjeçare Roisin dhe Yeshu-n 15-vjeçare.
Nuk dihet ende se si ka ndërruar jetë Shane apo se ç’lloj jete bënte, pas së cilës nëna e tij, një figurë e shquar e botës së muzikës në vitet ’90 ka uruar që askush tjetër të mos ketë jetën e tij.
Sinead, pak kohë më parë, pas një periudhe të vështirë psikologjike, shpalli se po përqafon Islamin.
