Nuk është e pazakontë që djemtë me makina luksoze të bëjnë të fortin e të kërkojnë që çdo gjë të bëhet siç duan ata. Këtë e tregon fare mirë një video që është bërë virale në rrjete sociale, ku disa të rinj me një automjet ‘Range Rover’ të zi pa targë në pjesën e përparme, ndalin një mjet tjetër në rrugën për të dalë në plazhin e Durrësit.
Ata kërkonin që t’i hapnin rrugën teksa kishte trafik të rënduar për shkak të fluksit të pushuesve, por mjeti tjetër zgjodhi të vijonte lëvizjen. Për këtë arsye, ata kanë bllokuar rrugën dhe janë konfliktuar me drejtuesin e mjetit tjetër.
Djalit të ish- politikanit shqiptar i kapet një shumë e madhe parash në makinë! Dyshohet se i ‘vodhën’ në kazino, në bashkëpunim me punonjësin
Policia e Durrësit është vënë në lëvizje dhe ka shoqëruar në Komisariat shoferin e identifikuar J. V., së bashku me automjetin që drejtonte. Në përfundim të veprimeve ndaj këtij shtetasi është vendosur masë administrative prej 43000 lekësh të rinj, për shkelje të neneve 72, 99 dhe 156 të Kodit Rrugor.
