Presidenti i Turqisë, Rexhep Taip Erdogan, ka folur me tone të ashpra ndaj Kryeministrit të Izraelit, Benjamin Netanyahu, citojnë mediat turke.
“Ne i besojmë Zotit tonë, por jo një personi të quajtur Benjamin Netanyahu. Zoti e shkatërroftë dhe e bëftë atë të mjerë”, është shprehur Erdogan.
Si reagim, Ministri i Jashtëm izraelit, Israel Katz, thirri zëvendësambasadorin e Turqisë në Ministrinë e Jashtme, për fjalët e presidentit Erdogan duke shprehur pakënaqësitë e tij. “Ju mbështesni vrasësit e fëmijëve, përdhunuesit dhe gjymtuesit e trupave të shkaktuar nga kriminelët e Hamasit”, tha Ministri i Jashtëm i Izraelit, duke iu drejtuar Erdoganit.
“Nuk ka Zot që do t’i dëgjojë ata që mbështesin mizoritë dhe krimet e kryera kundër njerëzimit nga miqtë tuaj barbarë të Hamasit. Heshtni dhe kini turp!”.
Erdogan ka qenë shumë kritik ndaj sulmeve izraelite në Rripin e Gazës dhe së fundmi në Rafah. Sekretari Amerikan i Shtetit, Antony Blinken, ndodhet në Izrael për të diskutuar termat e mundshme të një armëpushimi, në dukje i pamundur, midis Izraelit dhe Hamasit.
Një aeroplan ushtarak KC-135 për furnizim me karburant është rrëzuar në Irak, pas një “incidenti”…
Bashkësia Islame e Kosovës ka rritur vlerën e Sadakatul Fitrit për këtë Ramazani, duke e përcaktuar atë…
Prokuroria shtetërore në Lubjanë, Slloveni, ka ngritur më 12 janar aktakuzë kundër kryepeshkopit të Kishës…
Ministri i Shëndetësisë, Arben Vitia, ka njoftuar se për herë të parë në sistemin publik…
Shprehja e famshme se “diçka ndodhi dhe pjesa tjetër është histori” nuk vlen për zhvillimet…
Mes sulmeve amerikano-iraniane që po zhvillohen në Iran flamuri Izraelit i projektuar në qendër të…