Kryetari i Komunës së Skenderajt, Fadil Nura, bashkë me drejtorin e Arsimit, Kastriot Duraku, shpërndanë disa dhurata për fëmijët në çerdhen “Nëna Zahide” dhe në klasën e bashkëngjitur në Shkollën “Shaban Jashari”.
Madje për këtë aktivitet, komuna postoi edhe fotografi në faqen zyrtare në Facebook.
Deri këtu, gjithçka në rregull.
Por, ajo që nuk duket në rregull është se ky postim pas një kohe pretendohet sr u fshi nga llogaria e komunës – ndonëse jo para se në të të ndërhynin administratorët.
Kjo së paku pretendohet nga fotografitë që po qarkullojnë në mediat sociale.
Arsye për editimin, zëvendësimin e fotove e më pas edhe fshirjen e postimit të tërë duket të ketë qenë Serbia.
Pretendohet se komentuesit ishin ata që vunë re se dhuratat ishin prodhim i Serbisë, i prodhuesit “Pionir”.
Me t’i parë reagimet, administratorët e faqes duket se ndërhynë duke i edituar fotografitë, gjegjësisht duke fshirë logon e kompanisë serbe nga fotot, e më pas duke i ngarkuar fotot e edituara.
Por, as kjo nuk i kënaqi komentuesit, duke u vërsulur në kritika.
Duke u gjendur në këtë situatë të palakmueshme, administratorët si duket vendosën që të fshijnë postimin në tërësi.
Klankosova.tv ka kontaktuar me kryetarin e komunës, Fadil Nura, i cili tha se nuk ka informata të sakta në lidhje me këtë.
“Ne i kemi të kontraktuara furnizimet. Nuk e di, nuk kam ndonjë informacion të saktë në këtë drejtim”, është shprehur Nura për Klankosova.tv.
Ndërsa, zëdhënësi i komunës së Skenderajt, Amir Lushtaku, tha se dhuratat kanë qenë përmes prokurimit dhe jo direkt nga komuna.
“Dhuratat kanë qenë përmes prokurimit. Detajet nuk i di, por e di që ka shkuar përmes prokurimit. Prodhimi e këto nuk i di. Shuma e ndarë për dhurata ka qenë diku rreth 900 euro”, është shprehur Lushtaku, njofton Klankosova.tv.
Në faqe të ndryshme shqiptare që promovojnë fushata kundër prodhimeve serbe, ky veprim i pretenduar i komunës po konsiderohet skandaloz, sidomos për faktin se dhuratat u janë ndarë fëmijëve të çerdhes “Nëna Zahide” dhe shkollës “Shaban Jashari”, nëna dhe babai i komandantit legjendar, Adem Jasharit.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…