Fitoi shumën prej 3.6 milionë paund në lotari, gruaja lë burrin, i prish dhe planet për martesë

“Paraja prish dynjanë”, është një shprehje e vjetër, e cila mesa duket ka fuqi edhe në ditët e sotme.

Një çift britanik shumë të dashuruar me njëri-tjetrin, u bënë fatlumë pasi fituan 3.6 milionë paundë, ku një pjesë të shumës e morën në dorë, ndërsa pjesën tjetër do ta marrin për 30 vitet e ardhshme nga 10 mijë paund në muaj.

Por suprpriza më e madhe erdhi kur tij Laura Hoyle, 40 vjeçe vendosi të lërë të dashurin e saj Kirk Stevens, 39 vjeç, dhe të jetojë e vetme në shtëpinë e bukur që ata kishin blerë sëbashku.

Stevens thotë se ata ishin mjaft të lumntur kur fituan çmimin, madje ai kishte zgjedhur edhe unazën për t’i propozuar për martesë, por në fund ajo e la.

Pavarësisht pretendimeve të Stevens për të ndarë çmimin, autoritet kuptuan që bileta ishte blerë në emër të Laurës, dhe në këtë mënyrë ish-partneri i saj nuk mund të merrte asnjë “kacidhe”.