Simbolet kombëtare në Kosovë janë të lejuara gjithandej vendit dhe në pjesë të shumta të Kosovës janë vënë flamuj kuqezi për ditën e flamurit, shpalljen e Shqipërisë shtet të pavarur, por Petar Petkoviç-it dhe të ashtuquajturës Zyrës së tij për Kosovën në Qeverinë e Serbisë i ka dal problem edhe me këta flamuj.
Flamujt kombëtarë të shqiptarëve janë shpërndarë edhe te shtëpi të shqiptarëve në Kllokot, por kjo zyrë ka lëshuar komunikatë kundër vendosjes së tyre.
Përkundër se në vende ku jetojnë serbë në Kosovë – jo vetëm në Veri, por edhe në qytete tjera në jug të Kosovës – ka flamuj serbë të ekspozuar gjithë kohës, Petkoviç ka lëshuar komunikatë ku thuhet se flamujt shqiptarë nuk bën të shpërndahen.
“Flamujt shqiptarë nuk kanë asgjë për të kërkuar pranë shtëpive serbe dhe pranë Kishës së Shën Pjetrit dhe Palit, dhe për këtë arsye ky ‘dekorim i papërshtatshëm’ nuk mund të interpretohet ndryshe veçse si një provokim”, shkruhet në komunikatën e pakuptimit të Petkoviç.
“Shqiptarët kanë të drejtë të festojnë festat e tyre, por është e papërshtatshme kur e bëjnë këtë në zonat e banuara me serbë, të cilat ndërpresin festimet, dasmat dhe festimet e tjera”, vazhdon kjo deklaratë.
“I bëjmë thirrje shqiptarëve në Kosovë që të mos e shfrytëzojnë Ditën e Flamurit Shqiptar për të thelluar hendekun ndëretnik dhe për të frikësuar dhe provokuar serbët”, përfundon komunikata
Presidentja e Kosova, Vjosa Osmani, ka bërë të ditur se ka nxjerrë dekretin për shpërndarjen…
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…