Një protestues pro-palestinez sulmoi një gazetare të CNN ndërsa ajo po raportonte nga Bregu Perëndimor sot.
Gazetarja Sara Sidner ishte duke ecur në Ramallah, qyteti i konsideruar si kryeqyteti i autoritetit palestinez, kur një burrë iu afrua asaj gjatë një demonstrate.
🚨 Palestinian man to CNN in the West Bank LIVE on air: “You are not welcome here, genocide supporters! F*** CNN!” pic.twitter.com/poc1Os1rLt
— Benny Johnson (@bennyjohnson) October 20, 2023
“Jeni përkrahës të gjenocidit… Ju nuk jeni të mirëpritur këtu CNN”, tha protestuesi, teksa iu afrua në fytyrë gazetares.
Në të njëjtën kohë, një grua e panjohur iu afrua kameramanit dhe u përpoq ta pengonte të xhironte. Gazetarja u largua nga vendi i ngjarjes nga sigurimi.
“Ju shihni se njerëzit janë shumë të zemëruar, nuk u pëlqen mënyra se si CNN po raporton historinë, ju e dëgjoni atë”, tha ajo.
Ndryshe, që nga shpërthimi i konfliktit mes Izraelit dhe Hamasit, protesta janë mbajtur rregullisht në Ramallah. Ato ishin veçanërisht masive të martën mbrëma, pasi një spital në Gaza u godit.
Më pas qindra protestues dolën në rrugë dhe brohoritën “populli dëshiron që presidenti të bjerë”.
Ata shprehën pakënaqësinë me mosveprimin e perceptuar të presidentit palestinez Mahmud Abbas në pikun e luftës së Izraelit në Gaza. Grupe burrash vrapuan dhe hodhën gurë, ndërsa policia u përpoq t’i ndalonte me gaz lotsjellës.
