Hanna Hygo ka ardhur nga Gjermania për të parë Shqipërinë nga afër, prej vitesh ka kontakte dhe shoqëri me shqiptar në Gjermani sa ka mësuar dhe gjuhën shqipe.
“Kam shumë kontakt me shqiptar në Gjermani. Unë lexoj shumë sepse i dua librat. Kam lexuar librat e Ismail Kadaresë”, u shpreh Hanna.
Në Kukës vjen për herë të dytë, është e pasionuar pas këtij qyteti, Hanna tifoze zemre pas Gjermanisë ka Shqipërinë që e mbështet në Evropian.
“Është hera e dytë për mua që vij këtu, për mua Kukësi është vendi im i preferuar në Shqipëri sepse kultura është shumë interesante”, tha Hanna.
Ajo pëlqen të vij në sezonin e dimrit për shkak se numri i turistëve është më i ulët se në verë.
“Për mua dimri është më mirë sepse nuk ka shumë turistë ndërsa në verë ka shumë turistë, për mua është më shumë interesante për të parë njerëz që jetojnë këtu”, u shprehet ajo.
Hanna shprehet se do të kthehet përsëri në Kukës. Ka një mendim dhe vlerësim maksimal për Shqiptarët që jetojnë në Gjermani, të cilët i tregon të sjellshëm dhe që përshtaten me kulturën e vendit gjerman.
