Kryetari i AAK-së, Ramush Haardinaj, është pozicionuar kundër propozimit, që kryeministri Albin Kurti e ka dhënë në përpjekjen për të gjetur një zgjidhje, për pensionin e veteranëve të UÇK-së.
Ai ka thënë të enjten në emisionin “Desku” në KTV, se e vetmja zgjidhje mbetet që pensioni të jetë në lartësinë e pagës minimale.
Sipas Haradinajt, nëpërmjet veteranëve, kryeministri Kurti po kërkon që të krijohet problem.
Në intervistën e plotë që transmetohet sonte (e enjte) nga ora 20.10, Haradinaj kritikon punën e Qeverisë, flet për temat, në të cilat mund të ofrojë bashkëpunim AAK-ja, vlerëson nismën e Shqipërisë për ta zhvlerësuar raportin e senatorit, Dick Martyt, dhe tregon statusin që ai ka para Gjykatës Speciale.
