Deputeti i Kuvendit të Kosovës nga radhët e Aleancës për Ardhmërinë e Kosovës, Shkumbin Demaliaj, gjatë një interviste ka thënë se shtetet e Bashkimit Evropian që nuk e kanë njohur Kosovën, të gjitha janë ortodokse.
E në mesin e shteteve në BE që nuk e kanë njohur Kosovën, është edhe Spanja, populli i së cilës është deklaruar si shumicë katolike.
“Shtetet që nuk na kanë njohur në Bashkimin Evropian, pesë prej tyre janë ortodokse. Besoj se besimi nuk duhet të ndikojë në këtë çështje…”, është shprehur Demaliaj.
Ndërkohë që moderatori i emisionit, artisti Fatmir Spahiu, i tha Demaliajt se Spanja nuk është shtet ortodoks. Por, Demaliaj ishte i bindur në teorinë e tij.
“Edhe Spanja është ortodokse. Përqindjen nuk e di. Jo një shumicë e madhe, por kryesisht janë ortodoks”, shprehet i bindur Demalija në RTK.
Kujtojmë se popullsia e Spanjës ka një shumicë të besimit katolik roman prej 67.4%. Ndërsa persona pa besim janë deklaruar 15.6%. Ateist 12.2% dhe mysliman 4%.
Ndërsa më pak se 1%, janë deklaruar besimet e tjera, në mesin e tyre ndoshta edhe ata që janë ortodoks.
Policia e Kosovës, nën monitorimin e Prokurorisë Speciale dhe në bazë të urdhëresës së Gjykatës…
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…