“I forti i Niklës”, Durim Bami ekstradohet sot nga Dubai në Shqipëri

Nën masa të forta sigurie, ai pritet që të merret nga forcat policore në Aeroportin e Rinasit dhe më pas të përcillet për në qeli ku pritet gjithashtu që t’i komunikohen akuzat si më sipër.

Durim Bami, i njohur ndryshe si “i forti i Niklës” është përfshirë në ngjarje të bujshme kriminale.

Ai u arrestua në Dubai të Emirateve të Bashkuara më 12 qershor të 2024-ës, i shpallur në kërkim pas finalizimit nga SPAK të asaj që njihet me emrin operacional “Metamorfoza nr. 3.“, ku u nxorën 50 urdhër arreste për persona nga 7 grupe kriminale.

---

Ai ishte shpallur në kërkim për kultivim të parcelave të drogës në zonën e Fushë-Krujës dhe për përfshirje në vepra të rënda kriminale, përfshirë sigurimin e kushteve për të kryer vrasje dhe atentate.

Bami akuzohet gjithashtu për porositjen e disa atentateve ndaj ish-deputetit të PS-së në Lezhë, Arben Ndoka, si dhe për planifikimin e eliminimit të dy miqve të Ervis Martinajt, Erigers Mihasit dhe Tori Xheçukës.

Konflikti mes Bamit dhe Ndokës nisi për shkak të dyshimeve se Bami ishte i përfshirë në vrasjen e vëllait të Ndokës, Aleksandër Ndoka.

 

SPAK thekson se Durim Bami ka pasur një rol të madh në trafikun e drogës, duke kontrolluar kultivimet nga bregdeti i Adriatikut deri në Malësinë e Krujës, me ndikim të gjerë në botën kriminale dhe, sipas hetimeve, edhe me mbështetje të disa strukturave policore.