Kandidati i Lidhjes Demokratike të Kosovës për kryetar të Komunës së Istogut, Ilir Ferati, ka shpallur fitoren në balotazh ndaj Bekë Berishës së AAK-së.
“FALEMINDERIT, ISTOGU JONË! Ky është Istogu i Ibrahim Rugovës. Rrugëtuam bashkë, ecëm drejt, u bashkuam të gjithë për Istogun tonë – prandaj bashkarisht fituam! Nga sot ky qytet do jetë i të gjithëve e për të gjithë – pa dallim! Tani po festojmë bashkë, ju ftoj të gjithëve për festë në sheshin e qytetit! Përzemërsisht i juaji”, ka shkruar Ferati, përcjellë “Bota sot”.
Përndryshe, ne bazë të dy Exit Polleve të publikuara, Ferati ka dalë fitues.
Ndërkohë edhe në webfaqen zyrtare të KQZ-së po vazhdon numërimi i votave, dhe Ilir Ferati po prin bindshëm.
