Ish-kancelari gjerman, Gerhard Schroeder, tha se dëshiron të mbajë kontakte me presidentin rus, Vladimir Putin, pavarësisht presionit që të ndërpresë miqësinë me të, për shkak të luftës së Rusisë në Ukrainë.
“Unë nuk do të heq dorë nga mundësitë e mia për bisedime me presidentin Putin”, tha Schroeder për gazetën gjermane, Frankfurter Allgemeine Zeitung.
Schroeder, socialdemokrat, ka qenë kancelar i Gjermanisë nga viti 1998 deri më 2005 dhe, pas largimit nga detyra, është bërë kryetar i bordit të kompanisë shtetërore ruse të naftës, Rosneft.
Ai ka dhënë dorëheqje nga pozita në Rosneft në maj dhe ka refuzuar nominimin në bordin e gjigantit tjetër rus, Gazprom, që është bërë përpara se Rusia të niste pushtimin e Ukrainës, më 24 shkurt.
Schroeder është përballur me kritika të ashpra në Gjermani, për vite me radhë, për shkak të punës së tij për kompanitë ruse.
Duke folur për gazetën Frankfurter Allgemeine Zeitung, Schroeder tha se nuk beson në zgjidhjen ushtarake të kofliktit në Ukrainë.
Ai shtoi se pas takimit me Putinin në mars, ka përshtypjen se presidenti rus është i interesuar për zgjidhje të negociuar.
“Se si duket një zgjidhje e tillë, mund të sqarohet vetëm me negociata”, tha Schroeder.
Schroeder e bëri të qartë se ai beson se Ukraina është fajtore për dështimin e negociatave deri më tani.
Anëtarë të tjerë të Partisë Social Demokrate të Gjermanisë (SPD) janë distancuar nga Schroeder. /rel
Qeveria e Britanisë së Madhe ka ndryshuar qëndrim dhe ka miratuar përdorimin e bazave të…
Presidenti i Turqisë, Recep Tayyip Erdoğan, ka bërë një deklaratë të fortë këtë të premte…
Presidenti amerikan, Donald Trump, ka sulmuar ashpër aleatët e NATO, duke i quajtur “frikacakë” për…
Xhamia e Pashës në Tetovë njofton se janë prerë kabllat e zërimit të xhamisë nga…
Donald Trump krijoi një moment jashtëzakonisht të sikletshëm për kryeministren e Japonisë, Sanae Takaichi, në…
Qendra Kombëtare për Menaxhim Kufitar ka njoftuar se rruga Pejë – Kullë – Rozhajë, është…