Medalja më e diskutuar e Olimpiadës së Parisit është sigurisht ajo e Imane Khelif.
Ka pasur shumë polemika për boksieren algjeriana që triumfoi mbrëmë në finale ndaj kinezes Liu Yang. “Jam kualifikuar me meritë për të marrë pjesë në këto Lojëra. Unë jam një grua si gjithë të tjerat. Unë kam lindur grua. Kam jetuar si grua ”, janë fjalët e saj pas triumfit.
Lindur më 2 maj 1999 në Tiaret, Algjeri. Ajo zbuloi boksin disa vite më parë, pasi kishte ndjekur Olimpiadën e Rio 2016 në TV nga fshati Tairet. Kundër vullnetit të familjes së saj, të cilët fillimisht nuk e mbështetën. Dhjetë kilometra çdo ditë për të shkuar në palestër, ajo shiste metale të grumbulluara në mbeturina (skrap) për të paguar autobusin dhe stërvitjen. por më pas erdhën rezultatet.
Kampione mes polemikave/ “Jam një grua e fortë!” – Imane
Karriera e vështirë
Në 2018 ajo bëri debutimin e saj në Kampionatin Botëror të Boksit për Femra në Nju Delhi (duke arritur vendin e 17-të), më pas garoi në Rusi vitin e ardhshëm, mori pjesë në Tokio 2020 duke arritur në çerekfinale dhe në Kampionatin Botëror të Femrave 2022 në Stamboll ajo doli e dyta. Në vitin 2022 ajo u vlerësua si atletja më e mirë algjeriane, tani është edhe ambasadore e Unicef-it . “Fillova me asgjë, tani kam gjithçka – tha ajo në një intervistë me Unicef-in. Dhe tani kam edhe të dy prindërit e mi që më mbështesin, ata janë fansat e mi më të mëdhenj”.
Imane Khelif, pas polemikave për identitetin e saj dhe tërheqjes së italianes Angela Carini, theu heshtjen pas fitimit të medaljes së artë: “U kualifikova plotësisht për të marrë pjesë në këto Lojëra. Unë jam një grua si gjithë të tjerat. Kam lindur grua. Kam jetuar si grua. Kam konkurruar si femër dhe nuk ka dyshim për këtë. Unë jam një grua e fortë me fuqi të veçanta. Ari im, medalja, është një mesazh për botën”.
Kampione mes polemikave/ “Jam një grua e fortë!” – Imane
Deklarata që kanë shijen e hakmarrjes pas akuzave të shumta të ardhura javët e fundit ndaj saj.
Kampione mes polemikave/ “Jam një grua e fortë!” – Imane
Çfarë do të thotë “atlet transgjinor”.
Përkufizimi – siç kujton Instituti i Lartë i Shëndetësisë – “përfshin të gjitha variacionet e lindura (d.m.th. të pranishme që nga lindja) në karakteristikat e seksit, sistemin riprodhues”. Khelif është socializuar gjithmonë si femër dhe e gjithë karriera e saj konkurruese është zhvilluar në garat e femrave. Prandaj, ashtu si Caster Semenya, Imane nuk është transgjinor (gjini e pranuar nga IOC) por një person me një ndryshim në zhvillimin seksual ose me një nivel më të lartë të testosteronit se femra mesatare.
