Deputeti i VV-së, Arbër Rexhaj, ka deklaruar se përsëri propozimi për kryeparlamentare është Albulena Haxhiu dhe nuk do të ndryshojë mendim.
Ai ka shtuar se po negociojnë me Nismën për krijimin e institucioneve.
“Po shkoj lart, kemi një mbledhje. Ne do ta përsërisim përsëri propozimin për Haxhiun. Jemi në përpjekje për të bërë numrat për kryeparlamentarin dhe për formimin e qeverisë”, tha ai.
“Jemi në konsultime dhe në dialog me Nismën. Së shpejti do ta kemi një përfundim. Është vendimi i VV-së për propozimin, jo nuk kemi ndonjë propozim tjetër”, tha Rexha.
VV dhe NISMA së bashku kanë 51 deputetë, 10 më pak sesa nevojiten për formimin e qeverisë dhe zgjedhjen e kryeparlamentarit. Për momentin, 9 deputetë të pakicave kanë votuar pro-Haxhiut si kryeparlamentare, por mungon edhe 1 deputet për të arritur numrin 61 në një koalicion potencial VV-NISMA-pakicat.
