Jepet alarmi në Krime, rusët i frikësohen raketave HIMARS, shpërthime pranë urës së famshme në Krime

Lufta në Ukrainë ka hyrë në një fazë të rendësishme me rusët që tentojnë të thyejnë rezistencën e vendaseve në lindje dhe me ushtrinë ukrainase që duket se do të fillojë një ofensivë për të çliruar jugun.

Por, për të bërë këtë, ukrainasve u duhet që të shkatërrojnë linjat e furnizimit të rusëve në zonën e Krimesë. Një ndër lidhjet kryesore të Krimesë më Rusinë është pikërisht ura në ngushticën Kerch, e cila tashmë është vënë nën vëzhgimin e ukrainasve.

Mediat lokale raportojnë për raketa të lëshuara nga rusët në drejtim të qiellit për të goditur raketat ukrainase apo dronë që janë afruar për të zbuluar më shumë për aktivitetin e ushtrisë pushtuese.

Disa raketa ruse janë nisur pak minuta më parë, ndërkohë që mbrojtja ajrore është në alarm pasi ukrainasit mund të sulmojnë me raketat e famshme HIMARS, të cilët u përdoren edhe për shkatërrimin e urave mbi lumin Dnipro pranë Khersonit, gjë që ka bërë të bllokohen dhjetëra mijëra ushtarë rusë përtej lumit.