Kaos në shpërndarjen e ndihmave, qytetari nga Vushtria dëshmon mungesën e menaxhimit

Shumë qytetarë nga Kosova janë solidarizuar në dhënien e ndihmave për banorët e prekur nga tërmeti. Gazetarja Esiona Konomi e vendosur në stadiumin e Durrësit ku ndodhen shumë prej banorëve të dëmtuar na sjell dëshminë e një qytetari të Kosovës, i cili po sorollatet që prej ditës së djeshme për të shpërndarë ndihmat që banorët e një lagjeje të Vushtrisë kanë sjellë për të prekurit.

“Ka plot qytetarë nga Kosova që kanë sjellë ndihma, po nuk po marrin ndihma. Jam nga Vushtria. I kemi sjellë veshmbathje, ushqimore, i grumbulluam bashkë me qytetarët e mi. Kamionin na i dha një firmë mobilierie, kemi ardhur që mbrëmë, deshëm t’i shkarkojmë por autoritetet tuaja thonë që duhet të shkojnë në hotel. Tani e hapëm për t’i zbras dhe nuk nuk dimë ku t’i çojmë, nuk e dimë duam që të shkojmnë në destiancion. Lutemi që të shkojnë aty ku duhet”.

Ai tha se e kanë kaluar shumë lehtë kufirin, por kanë hasur shumë probleme këtu, ndërsa tani do t’i çojnë në një hotel me 400 persona.

“Nuk e kemi paguar taksën, kaluam edhe në kufi shumë mirë, po vetëm këtu kemi hasur probleme. Po shkojmë në hotel janë 400 të strehuar. Këtu kemi 13 ton patate, 3 ton lakra, batanije, veshmbathje kemi kolltuqe. Të gjitha në vlerë 4-5 mijë”.