Katër avionë luftarakë rusë u detyruan të kthehen në bazë, pasi shkelën hapësirën ajrore polake, ka njoftuar Forca Ajrore e Italisë.
Aeronautica Militare njoftoi se avionët rusë u ngritën nga enklava ruse Kaliningrad, e vendosur midis Polonisë dhe Lituanisë dhe fluturuan në një rrugë që i çoi ata nëpër qiellin polak, raportoi “Daily Mail” të mërkurën. Avionët vazhduan më pas mbi Detin Baltik përpara se të niseshin drejt Suedisë.
Forca Ajrore e Italisë tha se avionët rusë shkelën gjithashtu hapësirën ajrore suedeze, por ky pretendim u mohua nga shërbimi i shtypit i Forcave të Armatosura Suedeze, i cili tha se “avioni i Putinit ishte thjesht mbi ujërat ndërkombëtare”.
Avionët italianë u stacionuan në Poloni këtë verë si pjesë e misionit të policisë ajrore të NATO-s.
Polonia është anëtare e vjetër e NATO-s, e cila u bashkua në vitin 1999, ndërsa Suedia në fillim të këtij viti aplikoi për anëtarësim në bllokun e sigurisë së bashku me fqinjin nordik, Finlandën.
Provokimi me avionë luftarakë u bë në kohën kur luftimet vazhdojnë të shtohen në Ukrainën lindore e jugore, derisa presidenti rus, Vladimir Putin, kërcënon me armë bërthamore ndaj Perëndimit.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…