Serbia ka pasur dy propozime në takim me kryeministrin e Kosovës, Albin Kurti dhe ndërmjetësuesve të Bashkimit Evropian, Josep Borell dhe Miroslav Lajçak.
Këto dy propozime të prezantuara në takim nga presidenti serb, Aleksandër Vuçiç, i ka prezantuar para mediave vartësi i tij, Petar Petkoviç.
“Pala jonë dje ka dalë me dy propozime sa i përket lirisë së lëvizjes, pra se si të gjendet një zgjidhje para 1 shtatorit, sepse për atë kohë Kurti paralajmëron zbatimin e reciprocitetit me vendime të dhunshme”, tha Petkoviç.
“Sa i përket letërnjoftimeve, ne ishim të gatshëm të lëshojumë një dokument hyrje-dalje për qytetarët e Serbisë që banojnë në Serbinë qendrore kur të shkojnë në territorin e Kosovës në vendkalimin administrativ të Prishtinës”, ka shpjeguar Vuçiç.
Ndërsa për serbët që jetojnë në Kosovë, Petkoviç ka thënë se s’ka nevojë të lëshohet kurrfarë dokumenti, “sepse ata udhëtojnë brenda vendit të tyre”.
“Serbët që jetojnë në Kosovë nuk janë serbë që udhëtojnë transit në një vend të tretë. Destinacioni përfundimtar i serbëve që jetojnë në Kosovë nuk është Shqipëria, Maqedonia e Veriut, por pragu i tyre. Siç e ka imagjinuar Kurti, serbët që kanë jetuar gjithmonë në Kosovë dhe të jetojnë në shtëpitë e tyre është dashur që pas 90 ditësh të largohen nga territori i Kosovës për të marrë sërish atë letër, gjë që është krejtësisht e papranueshme. Ne nuk pranojmë që dikush të shkel marrëveshjet, duke poshtëruar popullin serb. duke krijuar probleme sigurie”, theksoi Petkoviç.
Sa u përket automjeteve, Petkoviç thotë se sugjeruan, “që automjetet të ri-regjistrohen me targa të statusit neutrale sipas Rezolutës 1244 dhe Kurti ka refuzuar kategorikisht”.
