Qeveria kineze ka anuluar vizitën e kreut të diplomacisë evropiane, Josep Borrell, i cili supozohej të qëndronte në Pekin përgjatë gjithë javë në kuadër të disa takimeve zyrtare. Lajmi është bërë i ditur nga zëdhënësja për politikën e jashtme dhe të sigurisë të Komisionit Evropian, Nabila Masrali.
“Fatkeqësisht, kolegët nga Kina na kanë informuar se datat e planifikuara për javën e ardhshme nuk janë më të mundshme dhe se tani duhet të kërkojmë alternativa”, tha Masrali në një deklaratë me shkrim. Ambasadori i BE-së në Pekin, Jorge Toledo, ka njoftuar më parë se Borell do të mbërrijë në Pekin më 10 korrik dhe do të takohet me kreun e diplomacisë kineze, Qin Gang.
Toledo tha në Forumin Botëror të Paqes në Pekin se Borrell do të diskutojë “çështjet strategjike” gjatë vizitës, duke përfshirë çështjet e të drejtave të njeriut dhe luftën në Ukrainë, sipas një regjistrimi audio të ndarë nga organizatorët më herët sot. Zëdhënësja e Ministrisë së Jashtme kineze Mao Ning u tha gazetarëve sot se nuk ka informacion për vizitën e Borellit në Kinë. Borell duhej të udhëtonte në Kinë pas përfaqësuesit të lartë të BE-së për klimën Frans Timmerman, i cili ishte në Pekin në fillim të kësaj jave, ku diskutoi klimën, biodiversitetin dhe mbrojtjen e mjedisit. Timmerman dhe Borell e shtynë vizitën e tyre në Kinë në prill pasi rezultuan pozitivë nga koronavirusi.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…