Klinika e Kirurgjisë Abdominale i ka reaguar presidentes Vjosa Osmani për ndërhyrjen kirurgjike në një spital privat në Kosovë.
Kolegjiumi i Kirurgëve në reagim ka thënë se Osmani ka anashkaluar këtë institucion në trajtimin saj shëndetësor, pa u konsultuar fare me personelin udhëheqës.
Gjithashtu Klinika ka shtuar se “presidentja i është nënshtruar një procedure e cila në Klinikën e Kirurgjisë Abdominale është rutinë ditore që nga 12 nëntori 1999 me përqindje të suksesit 99.9 për qind.
“Injorimi dhe nënçmimi që presidentja i ka bërë kolegjiumit të Kirurgëve e në veçanti institucionit mbi të cilat udhëheqë është e papranueshme për të gjithë. Duke i dëshiruar shëndet të plotë presidentes, Vjosa Osmani, urojmë që raste të tilla të mos përsëritën kur institucionet zyrtare anashkalojnë institucionet shëndetësore publike”, thuhet në reagim.
