Kjo është klithma e një babai që sapo i kanë vrarë të bijën në një atentat ku duhej të vritej ai.
Ky është Aleksandër Dugin, aleat bashkëpunëtor dhe ideolog i Putin, një ultranacionalist rus, autor i librit të famshëm “Themelet e Gjeopolitikës”, libër që studiohet në akademitë ushtarake dhe diplomatike ruse si manual për synimet politike dhe ushtarake ruse.
Dugin pretendon që Rusia duhet të sundojë botën dhe për këtë duhet të shkatërrojë Europen, duhet të shkatërrojë SHBA, duhet të shkatërrojë dhe pushtojë dhe Kinën.
Hapi i parë për këtë strategji sipas Dugin duhet të jetë pushtimi i Ukrainës dhe aneksimi i territoreve të saj brenda Rusisë.
Në të gjithë ato humbje jete në Ukrainë dhe Rusi është dhe dora e këtij “ideologu”.
Rreth 400 fëmijë të mitur kanë humbur jetën në Ukrainë prej veprimeve të trupave ushtarake ruse, pa llogaritur me mijëra të tjerë të gjymtuar.
Me dhjetëra mijë prindër ukrainas kanë qarë për fëmijët e tyre të mitur e të rritur që kanë humbur jetën në këtë konflikt makaber të nxitur dhe nga njerëz si Dugin.
Është makaber si shprehje por është shumë e vërtetë.
Ç’të mbjellësh, do korrësh.
