Komuniteti shqiptaro-amerikan ka protestuar në New York, kundër pjesëmarrjes së presidentit serb, Aleksandar Vuçiq në Asamblenë e Përgjithshme të Organizatës së Kombeve të Bashkuara.
Përmes një postimi në rrjetin social “Twitter”, Harry Bajraktari, aktivist i njohur i komunitetit shqiptar, ka publikuar një video ku shihet një kamion me një ekran që shfaqte mesazhe kundër Vuçiqit dhe fakte nga lufta në Kosovë.
“Vuçiq = Millosheviç 2.0”, “Drejtësi për vëllezërit Bytyqi”, “Krimet e luftës të pandëshkuara: 13,950 të vrarë, 20,000 të dhunuar dhe 1,600 të zhdukur”, “Serbia ka gjak në duart e saj, ndaloni së mbrojturi kriminelët”, ishin disa prej këtyre mesazheve, transmeton albinfo.ch.
Komuniteti shqiptaro-amerikan ka kërkuar drejtësi për viktimat e luftës në Kosovë dhe ka denoncuar vonesën në ndëshkimin e krimeve të luftës.
Yesterday, the Albanian-American community welcomed the war criminal & rapist protector Serbian President Aleksandar Vucic at the UN General Assembly in NYC with a clear message
*“Rape used as a weapon of war#JusticeforKosova #Justicedelayedisjusticedenied 🇽🇰🇽🇰 pic.twitter.com/fJt5oHi7Us— Harry Bajraktari (@HarryBajraktari) September 25, 2024
