Militantët e Gazës dhe Izraeli kanë shkëmbyer zjarr gjatë natës, ndërsa tensionet mes palëve u rindezën fuqishëm, pas një mësymje të ushtrisë së Tel Avivit në Rripin e Gazës, ku mbetën të vrarë 9 persona. Kjo ishte ofensiva më vdekjeprurëse në territorin e pushtuar në gati dy dekada.
Hamasi lëshoi rreth 5 raketa kundër izraelit, 3prej të cilave u interceptuan. Sakaq sulmet ajrore të Tel Avivit shënjestruan një fabrikë të prodhimit të raketave për militantët e po ashtu zona të trajnimit të militantëve.
Sirenat e alarmit u dëgjuan në jug të Izraelit, por nuk pati raportime për viktima. Sulmet u dukën të kufizuara, si për të shmangur përshkallëzimin e konflikti në një luftë të plotë. Megjithatë autoriteti Palestinez tha se do ti jepte fund koordinimit për sigurinë me Izraelin, një aranzhim që kishte ndihmuar në ruajtjen e rendit në Bregun Perëndimor.
Përballë agresionit të vazhdueshëm kundër njerëzve tanë dhe shkeljen e marrëveshjeve të nënshkruara, konsiderojmë se koordinimi i sigurisë me qeverinë pushtuese të izraelit, nuk ekziston më.
Kryeministri Benjamin Netanjahu deklaroi se Tel Avivi nuk dëshironte përshkallëzimin e situatës, edhe pse urdhëroi vendosjen e forcave të sigurisë në gjendje gatishmërie. Izraeli dhe Hamasi janë përballur në 4 luftëra dhe një sërë përplasjesh më të vogla që kur grupi i militantëve mori pushtetin në gaza, nga forcat rivale palestinezë në 2007.
Ushtria izraelite bëri të ditur se operacioni i së enjtes në qytezën e Jenin në bregun perëndimor, synonte arrestimin e militantëve Islamikë, që siç thuhet, po planifikonin një sulm madhor. Gjatë mësymjes mbetën të vrarë 7 militantë dhe një grua 61-vjeçare.
Kryeministri i Pakistanit, Shehbaz Sharif, ka bërë të ditur se negociatat ndërmjet Shteteve të Bashkuara…
Forcat amerikane rrëzuan shumë drone sulmuese iraniane me një drejtim që po shkonin drejt ngushticës…
Elon Musk u bë të premten trilioneri i parë në botë, pasi aksionet në kompaninë…
Presidenti amerikan Donald Trump ka deklaruar se, në një skenar përballjeje me Iranin, preferenca e…
Pikërisht në ditën kur para 27 vjetësh NATO kishte hyrë në Kosovë duke nisur misionin…
Numërimi i votave të diasporës ka sjellë ndryshime në projektimin e ndarjes së mandateve në…