Ministri i Jashtëm rus, Sergei Lavrov, paralajmëroi për rrezik të lartë që konflikti në Gaza të zgjerohet në një luftë rajonale. Ai tha se Moska ishte në kontakt me Turqinë lidhur me çështjen, ndërsa, i cilësoi si provokime përpjekjet për të fajësuar Iranin për konfliktin.
“Rreziku për përshkallëzimin e krizës në Rripin e Gazës në një konflikt rajonal është tejet serioz. E kam përmendur edhe më herët, se Shtetet e Bashkuara vendosën veton ndaj një resolute që kërkonte fundin e armiqësisë dhe zgjidhjen e çështjeve humanitarë. SHBA tregoi se nuk është gati të kërkoje një armëpushim.
Kjo do të thotë se ata me gjasë besojnë që konflikti mund të zgjerohet. Po dëshmojmë përpjekje për të fajësuar Iranin për gjithçka, të cilat ne i konsiderojmë si shumë provokuese. Ne jemi të gatshëm të diskutojmë çdo propozim konstruktiv. Iniciativa e Turqisë për të zgjidhur konfliktin, mesa kemi dëgjuar, diktohet nga dëshira për zbutje të tensioneve dhe normalizim të situatës. Prandaj jemi në kontakt me partnerët turq”, tha Lavrov.
