Komisioni Qendror i Zgjedhjeve ka konfirmuar iniciativa qytetare për largimin e kryetarëve të komunave Leposaviq, Zubin Potok, Zveçan dhe Mitrovicë e Veriut ka dështuar.
Këtë për Klankosova.tv e ka bërë të ditur zëdhënësi i KQZ-së, Valmir Elezi i cili bëri të ditur se deri tek ky konstatim kanë ardhur duke u mbështetur në të dhënat e daljes së votuesve në këtë proces, ku nuk kanë votuar shumica e votuesve të regjistruar siç kërkohet me nenin 72 të Ligjit për Vetëqeversjen Lokale në Republikën e Kosovës, pra nuk është arritur 50% i domosdoshëm.
Komisioni Qendror i Zgjedhjeve përmes konferencës për media bëri të ditur se, siç thuhet në deklaratë, përkundër sfidave, janë angazhuar maksimalisht dhe kanë ndërmarrë të gjithë hapat e nevojshëm për të organizuar procesin e votimit në këto komuna.
