Kryeministri i Mbretërisë së Bashkuar, Sir Keir Starmer, ka reaguar ashpër ndaj paralajmërimit të presidentit amerikan Donald Trump për vendosjen e tarifave tregtare, duke e cilësuar këtë veprim si “krejtësisht të gabuar”.
Presidenti i SHBA-së ka njoftuar se nga 1 shkurti do të vendosë një tarifë prej 10% për “të gjitha ose çdo mall” të eksportuar drejt Shteteve të Bashkuara nga Mbretëria e Bashkuar, Danimarka dhe disa vende të tjera evropiane. Sipas Trump, këto tarifa do të mbeten në fuqi derisa “të arrihet një marrëveshje për blerjen e plotë dhe totale të Groenlandës”.
Duke reaguar ndaj këtyre deklaratave, Starmer tha se Londra do ta trajtojë çështjen drejtpërdrejt me administratën amerikane, duke theksuar se statusi i Groenlandës është “një çështje që u përket groenlandezëve dhe danezëve”.
Ndërkohë, ministri i Jashtëm i Danimarkës, Lars Løkke Rasmussen, bëri të ditur se Kopenhaga po ndjek nga afër zhvillimet, vetëm pak ditë pas një “takimi konstruktiv” mes zyrtarëve danezë dhe amerikanë. Reagime të forta kanë ardhur edhe nga skena politike daneze, ku një deputet u shpreh shkurt: “Mjaft më”.
Edhe në Bruksel, krerët e Këshillit Evropian dhe Komisionit Evropian paralajmëruan se tarifat e paralajmëruara nga Uashingtoni do të “minonin marrëdhëniet transatlantike dhe do të rrezikonin një spirale të rrezikshme në rënie”
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…
Presidentja Vjosa Osmani ka njoftuar se të enjten i ka dërguar në Kuvend amendamentet kushtetuese…