<p><strong>Shtetet e Bashkuara të Amerikës dhe Britania e Madhe nisën bombardimet kundër pozicioneve të Houthi në Jemen pasi militantët e mbështetur nga Irani, refuzuan të dëgjojnë paralajmërimin për të mos vazhduar sulmet e tyre në Detin e Kuq.</strong></p>
<p>Lajmin e raporton New York Times, duke cituar zyrtarë amerikanë të mbrojtjes. Sipas gazetës, pritet pjesëmarrja e aleatëve të tjerë, përfshirë Holandën, Australinë, Kanadanë dhe Bahreinin, në “aleancën” për të ndaluar grupin e militantëve që të ndërpresin kalimin e anijeve përmes detit të Kuq.</p>
<p><amp-youtube data-videoid="p22JUki4Oy8" layout="responsive" width="1000" height="563"></amp-youtube></p>
<p>Këto bombardime shënojnë përgjigjen e parë ushtarake amerikane ndaj asaj që ka qenë një fushatë e vazhdueshme sulmesh me dronë dhe raketa kundër anijeve tregtare që nga fillimi i konfliktit Izrael-Hamas dhe vijnë vetëm një javë pasi Shtëpia e Bardhë dhe disa vende aleate lëshuan një paralajmërim përfundimtar.</p>
<p>Sipas Times dhe mediave të tjera amerikane dhe angleze, shpërthime u dëgjuan në Jemen, vetëm disa orë pasi Rishi Sunak i dha dritën jeshile sulmeve ajrore britanike.</p>
<p><amp-youtube data-videoid="GKL4XTwHXgY" layout="responsive" width="1000" height="563"></amp-youtube></p>
<p>&#8220;Me urdhrin tim, forcat ushtarake amerikane, së bashku me Mbretërinë e Bashkuar dhe me mbështetjen e Australisë, Bahreinit, Kanadasë dhe Holandës, kanë kryer me sukses sulme kundër një numri objektivash në Jemen të përdorura nga rebelët Houthi për të minuar lirinë e lundrimit në një nga rrugët ujore më vitale në botë”, shkroi presidenti amerikan Biden.</p>
<p>Zëdhënësi i Ministrisë së Jashtme iraniane, Nasser Kanani, i dënoi me forcë sulmet e SHBA-së dhe Britanisë në Jemen, duke i konsideruar ato një veprim arbitrar dhe një shkelje të qartë të sovranitetit dhe integritetit territorial.</p>


Një emigrant shqiptar në Greqi është bërë personazhi i ditës në mediat e vendit fqinj…
Një avion pasagjerësh i “Air India” u rrëzua në aeroportin e Ahmedabad, një qytet në…
Burime që folën për mediat amerikane pohuan se Izraeli planifikon të kryejë operacion ushtarak kundër…
Një influencuese nga Brazili është bërë virale në rrjetet sociale pasi tregoi mënyrën e pazakontë…
Shtetet e Bashkuara kanë urdhëruar evakuimin e stafit jo-thelbësor dhe familjarëve të tyre nga ambasada…
Kryeministri i Izraelit, Binyamin Netanyahu, deklaroi: “Edhe pse disa nuk ndajnë të njëjtin mendim me…
