Kryeministri kanadez, Justin Trudeau ka thënë se avioni që u rrëzua në Iran të mërkurën në mëngjes, duke lënë të vrarë rreth 170 njerëz, u qëllua nga një raketë iraniane.
”Ne kemi informacione nga burimet tona të shumta, përfshirë aleatët tanë dhe inteligjencën tonë. Provat tregojnë se aeroplani u qëllua nga një raketë sipërfaqe-ajër iraniane, Kjo mund të ketë ndodhur pa qëllim”, tha kryeministri në një konferencë shtypi.
Presidenti i SHBA;ve Donald Trump ka sugjeruar se ai gjithashtu beson se Irani ishte përgjegjës për rrëzimin e aeroplanit. Fluturimi i Ukrainës PS752 u rrëzua pranë Teheranit menëjherë pasi u ngrit. 63 nga pasagjerët kishin pasaporta kanadeze, dhe shumë të tjerë jetonin në Kanada si banorë të përhershëm ose me viza.
Ministri i Punëve të Jashtme Francois-Philippe Champagne ka biseduar me homologun e tij iranian për rrëzimin. Sipas një përmbledhje të telefonatës të lëshuar të enjten, Champagne i bëri presion Mohammad Javad Zarif që të lejojë zyrtarët kanadezë në vend të marrin pjesë në hetim, dhe të ndihmojnë në identifikimin e viktimave.
Kanadaja dhe Irani nuk kanë pasur marrëdhënie zyrtare diplomatike që nga 2012, kur Kanada e etiketoi Iranin si një sponsor të terrorizmit
