Aktori Çun Lajçi këto ditë është duke qëndruar në Michigam të Shteteve të Bashkuara të Amerikës ku bashkë me shqiptarët atje po e përkujtojnë heroin Dedë Gjon Luli.
Nga atje Lajçi ia përcolli disa porosi të bashkëardhetarëve kryeministrit Albin Kurti, shkruan “Bota sot”.
Sipas tij, ata kanë fituar besim të madh në kryeministrin pas mos-lejimit të mbajtjes së zgjedhjeve të Serbisë në Kosovë.
Ai citon shqiptarët t`i kenë thënë se “Mbas 22 vitesh po e ndjejmë vetën se kemi shtet!”
Postimi i plotë:
Albin
Të shkruej nga Detroiti, apo ma mirë me thanë nga Malësia e Madhe, e zhdjergun n’Michigam, që feston 6 prillin, atë pushkën e parë të çkrepun nga plaku i Bardhajve të Hotit e t’Grudës, Dedë Gjon Luli! (Fatkeqësisht që Ne atje s’e festojmë kurrë!)
Të shkruej, jo pse unë po dua, po pse s’po mundem pa e nda me ty e të tjerët, respektin që paskan këta malësorë për ty, dhe besimin në punën tande të pastër dhe guximin për çrrënjosjen e hajnisë e të korrupcionit, e forcimin e ligjit mbi të gjitha!
Po t’shkruej, jo pse kam interes nga Ti, por pse s’po mundem pa e nda besimin, që e paskan krijua këta mërgimtarë, në vendimmarrjet tua, për mos lejimin e votimeve të shtetit serb, në Republikën e Kosovës!
Thanë malësorët, e këta ate që e kanë në zemër atë ta përplasin në fytyrë: Mbas 22 vitesh po e ndjejmë vetën se kemi shtet!
Mbas 22 vitesh doli një Kryeministër, që ua këputi ish-ave, rrënjët e kumbarisë me Serbinë , dhe Jo i tha Quint-it, nuk voton shteti tjetër për Kryetar, në shtetin tim. Kët Jo, 22 vjet s’kishin pasë këllçe (siç thotë Shqipnia, e koqe siç thotë Kosova), me ia thanë as Serbisë as shteteve të Quint-it!
Tani ket Jo, po e pritshin Malësorët me ia thanë Quint-tit edhe për pagesën e rrymës, për serbët e veriut!
Albin!
Malësorët e Michigamit i paske votues të flakët, ndaj vazhdo me i pastrua arat, se koha po fillon mu nxe, e bërllogun duhet me ba grumbuj grumbuj arave e me djegë!
Veç shumëherë ta thashë, e po ta them: Rueju nga vetkënaqësia, e mendjemadhësia, se mundësh me ra kryembythë, e kët s’mund ta duroj, se i mbusha 75 vjet!
Kaq nga Michigami!
P.S.
Ja nji arësye, për ta vizitua mërgatën shqiptare në Michigam!
03.04.2022
