Kryeministri Kurti tha në Pressing on N1(media serbe) se për shkak të “përvojës së hidhur” nga Bosnja, nuk do të lejohet formimi i Unionit të Komunave Serbe në Kosovë, sepse nuk duan që Serbia të “kopjojë modelin” e Republika Srpska.
“Për normalizimin e marrëdhënieve duhet të kemi njohjen reciproke në qendër të marrëveshjes. Nëse Beogradi thotë se nuk do të ndodhë, atëherë ata janë kundër marrëveshjes. Kosova nuk do ta lejojë Republikën Srpska brenda Kosovës dhe ne e dimë shumë mirë se këtë e dëshiron Serbia. Ne kemi përvojë të hidhur nga Bosnja dhe jemi shumë të kujdesshëm që Serbia të mos e aplikojë atë model në Kosovë”.
Ai kujtoi se “më 26 prill 1991, 14 komuna me shumicë serbe formuan një bashkësi. Më pas më 9 janar 1992 shpallën pavarësinë dhe më 28 shkurt morën Kushtetutën. Më 14 dhjetor 1995, për fat të keq, ata morën njohje ndërkombëtare në Dejton. Pra duan të krijojnë një shtet brenda shtetit duke inkriminuar gradualisht veprimet. Bosnja është shtet, jo republikë, sepse ka një republikë brenda vetes që nuk është shtet.
Në Republikën e Kosovës do të donin që Kosova të mos jetë shtet, dhe do të donin Bashkimin e Komunave Serbe, që do të ishte shtet i Serbisë në kuadër të Republikës së Kosovës. Qëllimi i tyre është destruktiv, ata nuk duan asgjë për serbët e Kosovës, duan diçka kundër nesh. Beogradi që thotë se Kosova është shtet fals dhe se po kërkojnë ZSO, nuk janë seriozë.
Nëse do të donin një bashkim të komunave serbe, fillimisht do ta njihnin Kosovën. Ata duan që ZSO të mos funksionojë Republika e Kosovës. Por ne jemi një histori suksesi falë ndërhyrjes së NATO-s dhe Ushtrisë Çlirimtare të Kosovës.
E dini, në vitin 1999 është dashur të ndërhyjnë 19 shtete kundër Sllobodan Millosheviqit për të parandaluar gjenocidin në Kosovë”, ishte ajo çfarë argumentoi Kurti në qëndrimin e tij.
