<p><strong>Kryeministri Albin Kurti ka kujtuar se më 11 shtator të vitit 2001 kur kishte ndodhur sulmi ndaj Kullave Binjake në SHBA, ai kishte qenë në burg të Serbisë dhe ka thënë se gardianët serbë i qenë gëzuar sulmit.</strong></p>
<p>“I gjithë burgu i Quprisë në Serbi ushtoi nga thirrjet e ekzaltimit dhe çirrjet e delirit të gardianëve. Mendova mos kishin shënuar Jugosllavia ose Cërvena Zvezda në ndonjë ndeshje sportive. Mirëpo jo. Aeroplanët e marrë peng kishin qëlluar dhe rrënuar kullat binjake në Nju Jork”, shkruan kryeministri në Facebook.</p>
<p>“Pasditja e zymtë e burgut u bë ditë e zezë e 11 shtatorit 2001. I kisha kaluar 2 vjet e 4 muaj e gjysmë nga 15 vjet burg sa më patën dënuar”.</p>
<p>Ai më pas vijoi të thotë se këto sulme të terrorit ndryshuan rrjedhën e historisë, teksa afirmoi se Kosova bashkëndien me aleatin e vet të pazëvendësueshëm.</p>
<p>“Këto sulme terroriste në Shtetet e Bashkuara të Amerikës ndryshuan rrjedhën e historisë dhe kuptimin e kësaj date, e cila do të jetë përgjithmonë përkujtim i jetëve të humbura, por edhe i rëndësisë së guximit dhe trimërisë përballë fatkeqësive”.</p>
<p>“Sot përkujtojmë 20 vjetorin e sulmeve vdekjeprurëse që na tronditën të gjithëve, nderojmë, me dhembje e solidaritet, familjet e 2977 viktimave të pafajshme dhe mbarë kombin amerikan”.</p>
<p>“Kosova bashkëndjen thellë me Shtetet e Bashkuara të Amerikës, aleat historik dhe i pazëvendësueshëm i Kosovës”.</p>


Gjatë një konference për shtyp me Sekretaren e Sigurisë Kombëtare Kristi Noem, senatori i Kalifornisë…
Një top u bë shkaktar për vdekjen e një gruaje 34 vjeçare nga Kosova dhe…
Kryetari i Deçanit, Bashkim Ramosaj, ka ndarë lajmin e dhimbshëm për vdekjen e një nëne…
Një video e re nga një kënd tjetër që tregon aeroplanin e “Air India” duke…
Një burrë britanik që pretendon se ka mbijetuar aksidentin në Ahmedabad ka përshkruar momentin kur…
LDK-ja, e cila refuzoi të bashkëqeverisë me LVV-në, dëshiron Qeveri të Unitetit me përfshirjen e…
