Kush ishte babai dhe djali, që terrorizuan Sydneyn?

Babai dhe djali që dyshohet se kryen sulmin terrorist në Bondi Beach përdorën armë zjarri të licencuara për të kryer masakrën.

Djali, Naveed Akram, 24 vjeç, u arrestua në vendngjarje dhe transportua në spital në gjendje kritike, ndërsa babai i tij, 50 vjeç, i identifikuar si Sajid Akram, u qëllua për vdekje nga policia. Sulmi ndodhi gjatë një feste për natën e parë të Hanukës, ku humbën jetën 16 persona dhe dhjetëra të tjerë u plagosën.

Naveed ishte i njohur nga policia dhe agjencitë e sigurisë të Nju Uellsit, ndërsa babai kishte një leje armësh, me gjashtë armë të regjistruara, të cilat u konfiskuan nga policia. Katër armët, përfshirë një pushkë dhe një shotgun, u gjetën në vendngjarje, ndërsa të tjerat u sekuestruan gjatë një bastisjeje në shtëpinë e tyre në Campsie. Të dy jetonin më parë në Bonnyrigg, ku policia kreu një bastisje tjetër.

Naveed kishte punuar si mjeshtër ndërtimi, duke u njohur nga kolegët si punëtor i zellshëm dhe i qetë, me interes për boksin dhe gjuetinë. Ai ishte përfolur se ishte anëtar i një klubi gjuetie dhe shpesh fliste për gjuetinë e kafshëve në zonën e Crookuell.

Babai i tij kishte mbërritur në Australi me vizë studenti në vitin 1998 dhe më pas kishte marrë vizë partneriteti, që e bëri banor të përhershëm. Autoritetet nuk kanë konfirmuar raportimet për një flamur të ISIS-it në makinën e tyre.

Mësuesi i Kuranit tha se e kishte mësuar vetëm për një vit dhe dënoi fuqimisht sulmin, duke e cilësuar atë plotësisht të ndaluar nga Islami.

Banorët e Bonnyrigg u shprehën të tronditur dhe të pikëlluar nga ngjarja, duke theksuar se zona ishte e qetë. Autoritetet po shqyrtojnë nëse do të ketë ndryshime në ligjet për armët e zjarrit pas këtij incidenti dhe po analizojnë nëse kishte dështime në sistemin e kontrollit të armëve.