Një shpërthim i madh ka goditur një xhami në kryeqytetin afgan Kabul, thotë policia.
Shpërthimi mendohet të ketë ndodhur gjatë lutjeve të mbrëmjes, duke vrarë 21 persona dhe duke plagosur 33 të tjerë.
Khalid Zadran, zëdhënësi i policisë së Talebanëve në Kabul, u citua nga mediat lokale të ketë thënë se kishte pasur një shpërthim në veriperëndim të qytetit.
Raportet thonë se imami i xhamisë Siddiqi ishte në mesin e të vdekurve.
Është e paqartë se kush qëndron pas sulmit, i cili vjen një javë pasi një klerik i njohur pro-Taleban u vra në një shpërthim vetëvrasës me bombë, gjithashtu në Kabul. Grupi i Shtetit Islamik (IS) mori përgjegjësinë për sulmin e mëparshëm.
Forcat e sigurisë kanë mbërritur në vendin e ngjarjes, në një lagje veriore të Kabulit, shtoi zëdhënësi.
OJQ-ja italiane Emergjenca – e cila operon në Kabul – tha se deri më tani janë regjistruar tre vdekje.
OJQ-ja gjithashtu postoi në Twitter duke thënë se kishte marrë 27 persona të plagosur në shpërthim, përfshirë fëmijë.
“Pesë fëmijë ishin në mesin e tyre, duke përfshirë një shtatëvjeçar”.
Një zyrtar i inteligjencës taleban i tha agjencisë së lajmeve “Reuters” se deri në 35 persona mund të jenë plagosur ose vrarë dhe numri mund të rritet më tej.
Dëshmitarët përshkruan se kishin dëgjuar një shpërthim të fuqishëm që thyen xhamat e ndërtesave aty pranë.
Zyrtari, i cili foli në kushte anonimiteti, tha se shpërthimi ndodhi në një xhami mes besimtarëve në zonën Khair Khana të Kabulit.
Ekipet e inteligjencës ishin në vendin e shpërthimit dhe hetimet janë duke vazhduar, shtuan ata.
Një zëdhënës i talebanëve tha se e dënon ashpër sulmin.
