Kryetari i LDK’së Isa Mustafa ka mbledhur gjatë ditës së sotme kryetarët e degëve të partisë për të diskutuar për nënkryetaren e partisë, njëherit kryetare e Kuvendit të Kosovës, Vjosa Osmanin.
Kjo e fundit ishte kundër mocionit për rrëzimin e qeverisë së udhëhequr nga Albin Kurti dhe nuk e votoi qeverinë që po drejtohet nga Avdullah Hoti i LDK’së.
Siç raporton gazeta inFokus, në këtë mbledhje është kërkuar largimi i Osmanit nga partia.
Sipas të njëjtave burime, më të zëshmit për përjashtimin e Osmanit, Haxhi Avdylit e Fatmir Rexhepit ishin Agim Veliu, Ismet Beqiri, Florian Dushi dhe Fadil Gashi.
Ndërkohë, u tha se Lutfi Haziri, kryetar i Gjilanit ‘ishte më i moderuar në këtë çështje’.
Për të vendosur për këtë çështje pritet që shpejt të thirret Këshilli i Përgjithshëm.
Nënkryetari i partisë Haki Rugova, pa dhënë shumë detaje, sot nuk e pohoi as mohoi takimin me kryetarët e degëve.
Por sipas tij, për përjashtimin e këtyre zyrtarëve të partisë nuk është diskutuar ende.
Ndërkohë Driton Selmanaj tha se nuk ka njohuri për një takim të tillë.
“Unë nuk i kam këto informata. Është krejtësisht çështje partiake. Njerëzit në LDK ia përcaktojnë fatin vetës, nuk ua përcakton udhëheqësja’, tha Selmanaj në emisionin Pressing.
“Janë strukturat e brendshme ato që vendosin”, tha ai.
Vjosa Osmani e Haxhi Avdyli ishin kundër Qeverisë Hoti, ndërsa Fatmir Rexhepi ka abstenuar.
Policia e Kosovës, nën monitorimin e Prokurorisë Speciale dhe në bazë të urdhëresës së Gjykatës…
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…