Reagimi i LDSH-së lidhur me mbishkrimin e tabelës në pikën kufitare Cemi i Trieshit-Grabom:
Lidhja Demokratike Shqiptare, si subjekt i përgjegjshem politik, dhe mbrojtëse e promovuese e të drejtave kombëtare, reagon ashpër, lidhur me mbishkrimin në tabelen e pikës së përbashkët kufitare ndërmjet Malit të Zi dhe Shqipërisë, “Cemi i Trieshit-Grabom”.
Së pari, ky është një deformim i gjuhës shqipe, përkthim skandaloz i kuptimit, e sidomos i toponimisë, të mos themi edhe tendecioz, nga pala malazeze. Çudisin me këtë rast insitucionet kompetente të Republikës së Shqipërisë të pranojnë, dhe të legjitimojnë një diskriminim të tillë të gjuhës shqipe, përmes përdorimit të të njëjtit mbishkrim diskriminues, në anën shqiptare, me ç’rast paraqiten tejet inferior ndaj emertimit sllav të këtyre trojeve etnike shqiptare.
Kërkojmë nga institucionet e Shqipërisë, e pastajë edhe të Malit të Zi, që të reagojë, dhe ky “gabim” të ndreqet urgjentisht.
Sherbimi për informim i LDSH
