Një sherr mes dy grupe të rinjsh nga Serbia ka ndodhur në qendër të qytetit të Budvas, në Mal të zi, ku gjatë përleshjeve një i ri, i cili ishte i shtrirë në mes të rrugës përplaset nga një tjetër me fuoristradë.
Në videon e publikuar, duket qartë shkëmbimi i goditjeve mes dy grupeve në një lagje në Budvas, gajtë natës.
Po ashtu, shihet edhe momenti kur një nga pjesëmarrësit në përleshje, në rrugën Mediteranska të Budvas futet në një fuoristradë dhe përshkon këmbët e një të riu, i cili ishte i shtrirë në mes të rrugës.
Sakaq policia ka ndaluar të gjithë pjesëmarrësit në konflikt, të cilët kanë pohuar para inspektorëve se kanë pasur një keqkuptim mes tyre, i cili u shndërrua në sherr.
Ndërsa mësohet se nga konflikti të rinjtë morën vetëm disa lëndime të lehta, ndërsa autoritetet hetimore nuk kanë nisur procedimin penal.
Pas këtij incidenti, ata janë dënuar për kundërvajtje, më pas janë larguar nga Mali i Zi, madje nuk kanë bërë as kallëzim penal.
