Maturantёt shqiptarё nuk i ftojnё kolegët boshnjakё në ceremoninё e diplomimit

Paralelja e gjashtё dhe e fundit nё shkollёn e mesme tё mjekёsisё “Ali Sokoli” nё Prishtinё pёrbёhet nga pesë maturantё qё vijojnё mёsimin nё gjuhёn boshnjake. Ndёrsa pesё paralelet e tjera kanë nxёnёs, tё cilёt mёsojnё nё gjuhёn shqipe. Mirёpo maturantёt e klasave tё gjuhës shqipe nuk i ftuan nxёnёsit boshnjakё qё t’iu bashkëngjiten nё ceremoninё e pёrbashkёt tё diplomimit.

Kёshtu ka bёrё tё ditur Lejla Shok, maturante e kёsaj shkolleje e njёkohёsisht nxёnёsja e klasës qё vijon mёsimin nё gjuhёn boshnjake.

“Pёr kёtё organizim e kam marrё vesh nёpёrmjet internetit dhe rrjeteve sociale, pasi qё i kam parё fotografitё tё cilat i kanё vendosur nxёnёsit pas ceremonisё”, ka treguar Shok.

Mё ndryshe se shkolla “Ali Sokoli” ka vepruar kryesia e gjimnazit natyror nё Prishtinё, “Sami Frashёri”. Sipas kryetarit tё kёsaj shkolle, Ene Aliu, klasa e cila vijon mёsimet nё gjuhёn turke ka qenё e pёrfshirё nё ceremoninё e mbajtur tё diplomimit nga ata javё mё parё.

Personeli i shkollёs “Ali Sokoli” ka bёrё tё ditur pёr KOHЁN se ceremonia diplomuese nuk ka qenё organizim i shkollёs.

“Nga sa di unё, kjo ceremoni ka qenё e organizuar prej Kolegjit AAB dhe me siguri nga ana e nxёnёsve tё shkollёs ‘Ali Sokoli’”, ka thёnё Shok nё lidhje me organizatorin e kёsaj ceremonie.

Ajo mes tё tjerash është shprehur se mospёrfshirja e tyre nё kёtё ceremoni e ka bёrё tё ndihet keq.

“Ne si klasё e cila vijon mёsimin nё gjuhёn boshnjake me tё vërtetë nuk jemi shoqёruar shumё me nxёnёsit shqiptarё, por ata e kanё ditur qё ne jemi aty dhe qё ekzistojmё, e mbi tё gjitha qё ekziston klasa jonё”, ka shprehur ajo.

Arsyet se pёrse nuk i kanё ftuar klasat e tjera nё ceremoni janё tё panjohura pёr tё.

KOHA ёshtё pёrpjekur tё marrё informata nga Kolegji AAB se pёrse kjo klasё nuk ka qenё e ftuar nё kёtё ceremoni, por organizatorja e kёsaj feste nuk ka qenё e qasshme.