Shteti rus që nga fillimi i konfliktit në Ukrainë, nuk ka pranuar të diskutojë për ushtarët rusë të vrarë në luftimet e egra që po zhvillohen, por si duket më në fund Rusia e ndërroi qasjen.

Ukraina ka raportuar që nga dita e parë për dëmet që ia ka shkaktuar armatës ruse dhe për mijëra ushtarët rusë të vrarë, por këta numra nuk janë konfirmuar nga ana tjetër. Madje, vetëm pak ditë më parë, Kremlini e pranoi vdekjen e parë në front.

Ndërsa sot, për çudinë e të gjithëve, Kremlini zyrtar vendosi që të flasë për këtë temë, duke pranuar se 498 rusë janë vrarë në Ukrainë, ndërsa 1500 të tjerë janë lënduar.

Edhe ky numër mund të shihet me një fije dyshimi, pasi që është vështirë e besueshme se rusët do të ishin të sinqertë para publikut në këso raste. Madje senatori Marco Rubio thotë se këto shifra janë të rrejshme dhe se së paku numri i vdekjeve ruse është katërfish më i madh se numri i paraqitur nga Rusia.

Në anën tjetër, Ukraina ka raportuar për mbi 5000 ushtarë rusë të vrarë ose të zënë robër.

Lexo më shumë